Bolýan bolsa
Bir guýruksyz itdir, gaçgyl, Nesihat ýokmaýan ärden. Magtymguly
Berk käýinç,
duýduryş ber, türmä bas,
çalşyr soňsuz ministri, häkimi,
içki eşik ýaly dynman, dannaman,
peýdasy ýok ýurda munuň bir köpük,
bir özüňe peýdasy bar, belki-de,
ýene birin bellärsiň sen ertesi,
öňküden-de saly gowşak bigüman,
dişin gysýan, başyn egýän has aşak,
bolşewigi, kommunisti görüpdik,
özi öz-özüni çökeren duşap,
üstesine özün öwen ýadaman,
ýaşa içiň, daşyň bilen şadyýan,
bolýan bolsa şeýle ýaşap.