Iň kyn we rahat türme
The hardest prison to escape is in our mind. Unknown
Çykmasy ýa gutulmasy kyn türme,
duşmandan, döwletden öňürdip ilki,
öz beýniňde, pikiriňde gurulýar
diýen mamla ýüz üç göterim, belki,
çagalykdan, ýakyn-ýadyň kömegi,
hemem elin kerpiç guýup, daş daşap,
demir daşap, tapan ýeriňden arman,
guran türmäň seni saklaýar duşap.
Aýtmak artyk, diýmek artyk, dogrusy,
bilýär hemem görýär muny köp adam,
käbirleri synanyşýar gaçmaga,
käbirleri het etmeýär, sebäbi
öz öýüne gelýär oňa girende,
rahat, ünjüsiz oturýar, turýar,
iň esasy, ýatsa süýji uklaýar,
beýlekiler, gaçan hemem tutulan,
yzyna getirlen ençeme gezek,
hemem soňsuz şarpyk dadyp,
gaçjak bolmasyny bes edýär ýadap.