Özüm üçin ýatlatma

Saňa başga birniň gepin getirýän,
Seň gepiňem eltip ýetirer başga;
Seň ýanyňda başga gargap oturýan,
Başgaň ýanda seni urýandyr daşlap.

Käýinme, zeýrenme boşdan, gedemden,
Çünki her gün görýäň barýanyn nirä;
Ýokaryk dyrmaşan durar bir çende,
Aşak gaýdan aňsat saklatmaz diräp.

Aýdylmadyk söz ýok, diýilmedik gep,
Nadan dostdan dana duşman ýagşymyş;
Boljak bolma öňýetene tüýdük, dep,
Gowşak tutsaň, eliň gyýarmyş gamyş...