Adamyň päli

Adam, meger, durmuşdan däl,
uly pälden ýeňilýär,
özünden başlaman ilki,
başlaýar ol hudaýyndan, taňrydan,
dileg edýär ondan otursa, tursa,
talap edýär özgelerden, garaşýar,
talap etmän özünden öň,
a soň için tutup nägile bolýar,
gahar edýär ýer ýüzünde özüçe
hudaýyň ornuna çykan beglere,
hakykatda azaşan kän,
özi ýaly ejiz, nadan,
hem ýoluny tapmaýan,
hemem uzak, gowy, gözel
ýaşamaly halyna,
öz-özüni har edýär ol,
basgylaýar päli bilen özüni,
belki, şundan ölüp ýa-da
ölmezden öň ir ölýär.