Problema we sen

Çözgüdi ýok hiç meseläň dünýede,
seniň özüň çözgüt bolmasaň eger,
ýa-da bolmak islemeseň,
gözlemeseň çözgüdi.
Sen mesele bolma dünýä düşünmän,
düşünmedik bolup, düşünip kelte,
ýa-da aňryk geçip, belki,
samsyk saýyp başgalary,
ýa emgenmek islemän hiç,
ýa-da aňsadyna bakyp,
oýun etme özüň bilen,
oýun etme ömür bilen,
geçip gitjek suw deý akyp...

Meseläniň çözgüdi bol başarsaň,
ýa çözgüdiň ýolunda bol,
ýarysy bol bolmanynda,
ýa-da ondan birisi,
bolsaň adam irisi,
ownuk bolma, düwnük bol
problema bolana,
sen çözgüdiň bölegi bol, boljak bol,
bolma problema gedemsi, gopbam,
ýa bölegi problemaň,
bolsaň - onuň için gyryp güldürip,
ökünjiňden hünibirýan aglama.