Milli betbagtçylyk

Bölüp bilseň bir-birinden,
ol eýle, bu beýle diýip,
ýa-da özi bölek bolsa,
tire-taýpa donun geýip,
ýa-da millet iç-içinden,
wezipeli, garamaýak,
ýa-da barly, barsyz bolup,
ownan bolsa manat deýin,
nädip ezseň bolar ony,
bolar nädip entetseň-de,
maşynyn däl, gara gözün
agartmaga taýýar bor ol,
ýokardaky islese,
bölüp bilseň bir-birinden adamy,
itip aşak pesden-pese,
ýal edip bor her näkese.