Gymmat düşýän gowulyk

Eger seniň döwletiň,
ýa-da ady hökümet,
hapa çümse gulagna çen,
burnuna çen, belki-de,
üstesine seni-de,
çagalaryň bilen bile
hapa çekse her günde,
sen sesiňi çykarmasaň,
bolan bolup gowy bende,
bu diňe döwlet başynda
oturanyň günäsi däl,
seniňem günäň uly,
sebäbi bu güne gelensiň göwnäp,
garşy durman bolmanda,
ejeň, kakaň bilen bile,
hem ondan çykmarsyň haky çagyryp,
ýa diňe alladan diläp.