Serhet goragy

Serhediňi, araçägiň goramak
her bozgakdan, bahyldan ýa hassadan
kiçi-girim wezipe däl,
tüpeňiň ýa taýagyň
bolmasa-da eliňde,
goranmasaň bolmaýar,
bolmanda çekilip yza,
emma çöken günüň dyza,
bilýäň, serhet ýykylar,
araçäkden galmaz nyşan,
agajyny hem simini
alyp gider geçen, aşan;
elini uzadýan bozýar serhedi,
dilini uzadýan bozýar serhedi,
zäherleýär sözi bilen bolmanda,
çakyp galýar gözi bilen bolmanda,
serhetleriň, araçägiň goramak
kiçi-girim wezipe däl,
isle ýaşa Ysraýylda, Arapda,
ýa-da gaçyp Almanda.