Maksat

Maksat - öňe saýlanmak däl,
ozmak däl ol tozan turzup,
ýa ýykmak däl başga birin kirşene,
dykmak däl ol dar ýerlere ejizi,
orden, medal ýa baýrak däl üstünlik,
ýa mal-dünýe, alty maşyn, ýedi jaý,
barybir az bolar olar,
maksat, meger, özüň bolup galmakda,
eger özüň düzüw bolsaň ozaly,
uruş meýdanyna girmän,
hapalaman eliň, göwnüň
nobatdaky narsisistde,
maksat – ýaşan günüň gurgun ýaşamak,
üstde ýa-da bolman pestde.