Bulutly agşam ýat ilde ekilen armydyň aşagynda ýazylan goşgy

Edýän işi bilen, belki,
ýa etmeýän işi bilen,
görüner ýa görünmez
hereketi, niýeti,
pygly bilen daşyndan
boýun alýan, almaýan
özi özüne nokat,
ýa köp nokat goýar adam,
ýa-da nokatly otur,
barma-da kän üstüne oň,
oturan ýeriňde otur.

Sen adama aýtjak bolup kösenme,
diýjek bolup kösenme,
soramasa, gelmese,
akyl satma, güwleme kän,
gara ýel deý gijöýlän,
ýüzüni garaňka tutup,
gelen ýaly bermän aman,
biljek biler ömür näme,
ýa nämede ýagşy, ýaman.