• Türkmençe
  • English

Ýowşan Annagurban

Bölümler
  • Goşgular
  • Poemalar
  • Hekaýalar
  • Makalalar
  • Bellikler
  • Portretler
  • Terjimeler
  • Media
  • Ses ýazgylary
  • Suratlar

Watan serheti

Serhet açyk heroine, zähere,
Emma açyk däl maňa.
Serhet açyk her egriýe, her şere,
Emma açyk däl maňa.

Ony goraýarlar eli ýaragly,
Gara sanaw düzüp, gelip-gitjege.
A men ýaşdym, saklan diýip gygyrdym,
Keýp çekjek bolup ölüp-ýitjege.

Serhet açyk, iş adamy, alçajyk,
Alym bilen, berim bilen şärige.
A men ýaşdym, dilime bek bolmadym,
“Beýtmäliň-ä!” diýdim Muzaň ärine.

Serhet açyk, ha neşe sat, ha adam,
Eliň açyk bolsa, ýoluňam açyk.
Gümrükçi, serhetçi – türkmen oglanlar,
Eliň açman nirä gidersiň gaçyp?

Ýöne diliň açma, dişden aňyrda,
Ýedi däl-de, ýetmiş gulply sakla.
Serhet açyk, näme getir, ne äkit,
Eliň açyk bolsa, bolarsyň hakly.

Serhet açyk, tirýek getir, heroin,
Ýa-da SPID, hakyny ber, ötüber.
Emma meniň üçin açyk däl serhet,
Hemem entek-entek boljak däl, meger...
11.01.09.

  • 11.01.2009
  • Goşgular
Bölüme soňky girizilenler
Adam seniň obadaşyň 12.02.2019
Adam ýasawy 12.02.2019
Jemgyýet we jellatlar 10.02.2019
Beýik döwür 09.02.2019
At müneniň ahwaly 05.02.2019
El çarpyjy problemasy 31.01.2019
Paýlaş

Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.

  • RSS

annagurban.com copyright © 2006-2019