Gyş oýlanmasy

Sürülen ýer ýaly güýzde,
gyşdan hemem gardan ozal,
ýa aýazly gijelerden,
kesek goýman doňdurýan,
mümkin bolsa çuň, telper däl,
tämiz ýeller çalar ýaly,
öz-özüňden oňdurýan,
sürüp bolsa öz-özüňi,
bolmanynda her ýylda bir,
iki ýyldan ýa-da käte
üç-dört ýyldan bir gezek,
emma adam çagalykda,
oglanlykda galýar uzak,
azal urman özüne,
ýa öküz ýok, ýa azal ýok,
ynanma hiç sözüne!..