Adam namartlygy

Öz ýüzüňe bakmak üçin aýnada,
göni garap gözleriňe, içinde
çylgym-çylgym gyzylyndan utanman,
ýalňyşan ýerleriň, etmesiz işi
bile-göre eden ýerleriň yzy,
mese-mälim bolup duran özüňe,
belki, biraz mertlik gerek, namartlyk
her işe iteklär, öňküden beter
bulaşdyrar, daşlaşdyrar özüňden,
adam gorkup başgalardan, başga däl,
bilinýän zat öňden, özüne eder.