Hakyky mesele

Mesele çyn, hakykaty, dogryny
aýtmagynda däl biriniň, birlerniň,
eşitmekde meger ony,
gorkman diňläp bilmekde,
kabul etmekde soňra,
mesele milletiň köplüginde däl,
azlygynda däl asla,
ýa-da baýlygynda ýeriň hem ýurduň,
mesele adamyň päl-niýetinde,
adam boljak bolmalymy ýa diňe
bolan bolmaly?
Mesele çyn, hakykaty, dogryny
aýtmagynda däl biriniň,
mesele çyn ýa hak bilen
nikalaşyp ýaşamaly!