Töwekgellik
"Hiç wagt töwekgellik etmeýän hemmeden beter töwekgellik eder." Iwan Bunin
Olar ynandylar yza çekilmek,
ýagny töwekgellik etmezlik asla,
baş basyryp ýatmak akyl, çykalga,
ýa-da oýnuň düzgünine eýermek,
alyp hemem beren bolup oýnamak,
a soň dymmak ahyrna çen,
ýylgyrmak içiňden iň kösenýäne,
bagyrýana, aglaýana, ölýäne...
Olar ynandylar yza çekilmek
ýa baş egmek baş basalap gelýäne,
öli, diri äsgermän,
a yzynda nökerleri,
çekirtge sürüsi ýaly,
gülli ýaýla dökülen,
olar umyt etdi yza çekilmek,
ýapja bolmak - çykalga,
çykalga däl baş götermek, dikelmek
hemem durjak bolmak aýak üstünde,
belki, azgyn şunuň üçin üstündi.