Tapawut we parh

Iller, gör-ä, it-pişigi,
özüniňki, özgäňki,
aç möjegi ýa keýigi,
ýaralanan dagda, düzde,
halas eder ýetişip,
oda urar ýaýdanman,
ýetim galan aýylary ulaldar,
gyşda, garda aç guşlara iým berer,
ýyly maşynyndan düşüp,
a biz ilden-günden däl,
hatda dogan-gardaşdan,
uýalardan daş durarys
agyr günde, gaflatda,
çünki olar diňlemezler,
gorkarlar öňküden beter,
düşünmezler diňleseler,
ýa düşünip, diýilenin etmezler,
gaýgy edip yzyny -
ýagşy näme, ýaman näme bilmegiň,
meger şunda tapawudy illeriň,
hemem parhy galmak bilen ölmegiň.