Ýowşan Annagurban

Isleg we reallyk

Adam üýşüp, aňly adam,
gapyrjaga girermi?
Tabyda girermi adam,
dirilikde, ölmezden öň,
birleri isleýär diýip,
dirileri diri sanman,
tabyt ýasap darajyk,
galan-gaçan agaçlardan,
ýonulmadyk ýaltanman?

Ýeri, diýilende näme,
aýdylanda näme watan,
ýurtsöýerlik şu ýerden,
şu tabytdan başlanýar?

Adam, walla, aňly adam,
gapyrjaga girermi,
nobata durup, üýşüp,
gör, nije ýyl isleýärin oýanmak,
diýip çyn däl, şükür, düýşüm!