Çukur gazan

Öňki çukur gazan düşmedi diýseň,
ozal ot ýakanlar bişmedi diýseň,
gülerler, dogry.
Eger-de şindiki çukur gazýanlar
gyrasynda galar diýseň,
başgalary itip aşak,
ynanýan bolsa özleri,
dowam etsin gazmagy,
ýa ýaksynlar ody uludan-uly,
uzaklardan odun daşap...

Öňki çukur gazan düşmedi diýseň,
ozal ot ýakanlar bişmedi diýseň,
gülerler, dogry,
pikir etme çalýar başganyň malyn,
bilsin ýa-da bilmesin,
öz-özün ogurlar ogry!