Biz ozallar

Biz ozallar şahyrlara
otnesitel serederdik,
sebäbi ýaşdyk gaty,
görjegimiz öňdedi,
bilmeýärdik türme näme,
sürgün näme hak üçin,
eşitsek-de, okasak-da
her hilije zatlary;
biz ozallar şahyrlara
otnesitel serederdik,
geçirimlidik aşa,
ulaltmak islärdik ili,
şahyrlaryn ulaldyp,
emma indi başga baha berýäris,
çünki bilýäs partiýanyň
kimi diri galdyrýanyn,
ýa dakýanyn kime medal;
biz ozallar şahyrlara
serederdik otnesitel,
emma indi beýle däl.