Biparhlyk

Telefonda diýdi biri: "Bolsa-da,
köp adam bar hormat bilen ýatlaýan,
sylag bilen tutýan adyň..." Ýylgyrdym.
Belki, çyny bilen aýdandyr bende,
ýa-da göwün üçin, sag bolsun, ýöne
gülmelimi, aglamaly, bilmedim.
Öz-özüni sylamaýan adamlar,
ýa hormatsyz geçmişine, geljege,
sylap bilermi özgäni?
Sorasaň ediljek kine.
Adam bolan gelýär bir gün şu ýere,
sylasynlar ýa sögsünler ýeňseden,
diýýär sessiz maňa näme?