Menem adam, käte gaharym gelýär,
gülen bolsa, ýa gygyrsa birleri,
kiçelderin öýdüp, gomalyp içden,
arly ýa-da kine edip bolşumdan,
ýerleşdirip bilmän kiçi galyba,
ozal ene-atasyndan adamyň...

Ol eline byçgy alyp görkezdi, kesip bolýar nädip oturan şahaň, diýseler-de baryp ýatan göterim, açdy pully kän bolmaýar akylly, öň bolupdy biraz hataryň neri.

O birleri açlygyndan,
guly bolar puluň, malyň,
bu birleri doklugynda
guly bolar puluň, malyň,
ýöne garyp, baýy bolmaz,
bahyllara birdir bary...

Olar bilýär, näçe gülüň, ýaňsylaň,
samsyk diýip, ýa-da diýip bisowat,
näçee garyp köp boldukça döwletde,
näçe çörek gaýgy bolsa, jemagat
kaýyl bolýar, bolýar baky başagaý,
işsizligi köpeldýärler şoň üçin...

Seniň göreşiňi daşdan synlaýan
obadaşyň bilmez, belki, kim bolduň,
öň nämediň, soňra nämä öwrüldiň,
adammy sen, agaçmy sen, daşmy sen,
ýa-da gara köýük, ýanan toprakmy,
ýa-da suwmy, diňe pesi gözleýän...

Şükür, ýolumyzy her kesen bilen, sürüjimi, gurujymy, bahana, ýoldan galyp gürleşmedik, durmadyk, gargamadyk gürrüň bolup jahana...

Il içinden çykanlaryň,
çykyp bilmän galanlaryň
alkyşlaryn eşideňde,
guwanarsyň il-günüňe,
göteriler göwnüň biraz,
emma arly, öçliň zyňan

Telpek geýip, possun atyp egnine,
türkmen baýlaryny döreden topar,
garyp goýup gitdi ili, yzynda
ogul-gyzy ertekijik otarýar,
ynanasy gelen ynanýar ýene,
doýan ýaly bolup çörekden garny...

Ýaradan hak diýermişin adamyň
howatyr et gözündäki ýaşyndan,
ynjydaňda ejiz görüp, äsgermän,
hakyny iýeňde çekin adamyň,
ogurlaňda ýeňişlerin gan bilen,
garda galyp, buzda doňup gazanan...