Adaty durmuş

Mesele däl o biriniň,
bu biriniň urulany,
ýenjileni, aç goýlany,
talanany köwşüne çen,
iň ýamany basgylanyp,
zorlanany, atylany,
itileni çuň çukura,
belki, ýerin almak üçin,
belki, ýurdun almak üçin,
belki, boýun egen däldir,
gara güýji görüp, gorkup,
gaçan däldir gaçmalyda,
açan däldir arasyny,
ýer, gök ýaly, açmalydan...

Dünýede ýer gapyşdymy,
akyl berip bolar oňa,
pida etmek pidalary,
iň aňsady, amatlysy,
çünki jogap bermez olar,
eger özüň çydap bilseň,
adaty zat, durmuş bular...