Iki zat

Durmuş iki zatdan ybaratmyşyn:
Ýa ösmeli, ýa-da tesmeli yza.
Ýykylmak ýykylmak dälmişin soňra,
Kynam bolsa, galjak bolýana dyza.

Diýýärler “Ýykylan göreşden doýmaz”,
Ýykylmadyk gorkar ýykarlar öýdüp.
Käbirisi bardyr bil tutup görmän,
Görkezer gapdaldan: “Ýykaý-a şeýdip!”

“Ýalaňajy ursaň, possunly gorkar.”
Bir ýanbaşdan agan gorkuzar müňi.
Ýöne paýlaşmaly, almaly bolsa,
Depeşek bor mydam hataryň öňi...