Garyp millet

Diktatoryň aýagynyň astynda
tahýasy trýapka boldy türkmeniň,
özi boldy gynanylýan mähelle,
ol gelene gel diýerdi işikden,
näçe bolsa, gaşyn çytman sähel-de,
saçagyny giňden ýazyp, baryny
goýardy ortada, ýüregi açyk,
indi ne gel, ne geç galdy, başaran,
bagry girýan, çykýar ýurdundan gaçyp,
deger-degmezine satyp jaýyny,
başa gelen heläk boldy nebitden,
gazdan gelen puldan alyp paýyny,
çenin, çakyn bilip bilmän wagtynda,
soň ikinji gaýtalady ýalňyşy,
açgözlügiň iki gözün çykaryp,
ozalam garypdy, indi milletiň
baýy boldy beter, ýer uran garyp.