Hakyky derman
Frida Kahlonyň äheňinde
Agyry, azary, iýýän içiňden,
dynaýyn-la diýip, gark etmek üçin,
ýa unutmak üçin gaýgy-aladaň,
sen içmegi öwrenersiň ürç edip,
emma olar öwrenerler ýüzmegi,
sen çekmegi öwrenersiň, belki-de,
ilki çilim, soň beýleki artyby,
demikdirmek üçin tüssäň içinde,
goý, üsgürip, ölsün diýip ünjüler,
ýöne olar öwrenerler, taparlar
çäresini dem almagyň tüssede,
sen, gowusy, gark etme-de derdiňi,
maksat tutun aňsat ýetip bolmajak,
student bol ömür-baky okaýan,
işle ilki öz üstüňde, ýaltanma,
ýekelikde, iliň üçin, elbetde,
emma iliň aldananda aldanma.