Bilim meselesi

Bilim, belki, bilmeýäniň bilmekden,
boýun alyp, öz-özüňe gülmekden,
soň gelmekden öz ýanyňa, daşlaşman,
çig ýerleriň bişirmekden başlanýar,
başlanmaýar onuň üstün basyryp,
etek tutan ýaly Günüň öňüne,
bolmakdan däl bilýän bilmeýän zadyň,
bilýänleriň gülen bolup üstünden,
sözün kesä çekip, gürlemez ýaly,
utandyryp, çekindirip adamy,
deň bolmaýyn diýip gaçjak ýanyňdan,
haýýarlygy baýdak edip ýaşamak,
bilim - gelse ata-baba ganyňdan.