Saňa näme gerek, Emin?

Öň azmydy ştangaçy,
saňa näme gerek, Emin?
Bilýärsiň-ä tämiz şäher
ýaşyrmaýar ýurduň kemin...

Iýjegiň bar, geýjegiň bar,
aýdyp bilýäň aýdymlaryň,
neden girdiň bu kapasa,
öz meýliňe, uçup baryp?

Aýdym aýdyp mertlik hakda,
erkinligi arzuw edip,
ata-baba goran, saklan,
nädip bolýar beýle ýitip?

Ýok, men kimsäň kazysy däl,
gynanýaryn çykman çenim,
saňa näme bolýar, dogan,
ýa barmy bir dolmaz kemiň?

Öň azmydy ştangaçy,
saňa näme gerek, Emin?
Ýesir alnan hossaryň ýok,
ýurduň başga, giňkä zemin...