Sen näme?

Sen men etjek diýeniň däl,
aýtdy dana, edýän işiň,
agarmaýar ýuwulmasa,
günde ýuwjak diýen dişiň.

Sen men boljak diýeniň däl,
bolan ýeriň, gelen ýeriň,
dilde garşy, ýöne işde,
ýanýoldaşy kümsük şeriň.

Bilinmeýän ýaly gelip,
aýtmasalar, diýmeseler,
ýa aýdýanlar bolsa beter,
ile belli, pesiň pesi...

Dogry, etjek diýýänleriň
hemmesini etdirmezler,
emma gelen ylgamaly,
diýmän aý, ýok, ýetdirmezler.

Ýüwürmeli, ýüwrük ýegen,
ýatan daýy bolanyňdan,
sen men turjak diýeniň däl,
utanan - öz ýalanyndan.