Ýeri...

Ýeri, adam ýatyrmyş-da,
Gapy, penjiresi açyk;
Duýmanmyş-da geleniňi,
Gitjekmi öý urup gaçyp?

Ýeri, adam dilsizmiş-dä,
Sesi çykjak däl-dä netseň;
Boldugymy urup, talap,
Gülüp öz ýoluňa gitseň?

Ýeri, adam gözsüzmiş-dä,
Görmeýär-dä barýan ýolun;
Sen ony gorpa gapgaryp,
Goparjakmy döşün, golun?

Ýeri, adam ýaragsyzmyş,
Galamy barmyş elinde;
Sen ony awtomat diräp,
Asyp goýjakmy dilinden?

Ýeri, adam ýekemişin,
Taşlananmyş garyp görlüp;
Sen ony nökerleň bilen
Ýer-ýegsan etjekmi sürnüp?

Ýeri, adam gorkýarmyşyn,
Sebäbi sen açgöz, zalym;
Sen onuň rysgyny iýip,
Özüňe diýjekmi alym?

Ýeri, adam ejizmişin,
Gyrgyndan geçipdir uzak;
Sen onuň çagasyn talap,
Ertire gurjakmy duzak?

Ýeri, millet ýer hem ýesir,
Ugur-ýolun ýitirpdir;
Sen ony ýoluňa düşäp,
Ýörejekmi dikgir-dikgir?

Ýeri...