Öz-özüňi öldürme

Aýak bolma öz ýüzüňden basmaga,
el bolma atanak çekjek özüňe.
Saňsar daşy bolma öz depäň üçin,
öz barmagyň sokma görer gözüňe.

Syrtmak bolma öz-özüňi asmaga,
pyçgy bolma kesjek oturan şahaň.
Endik etme öz-özüňden gaçmaga,
arzan satma özüň kemeldip bahaň.

Öz gara günüňe çarpma eliň,
öz-özüňi ýykyp, ili güldürme.
Baş atma özüňe çykaryp höküm,
öz-özüňi gorky bilen öldürme...