Aýlyk syrtmagy

Bu bir pikir, meniňki däl,
aýlyk – mydam garaşdyrýan,
ölmez-ödi ýa gowurak,
daňýan müňläp ýaş ýigidi,
gelin-gyzy, ýaşulyny,
sylap ýa-da gowy görüp,
ak göwünden berilmeýär,
berilýär ol daňmak üçin,
el-aýagyň, arzuwlaryň,
unutdyrmak üçin seniň
adamdygyň, azat-erkin,
hem saklamak üçin seni
hammalyga kaýyl edip,
maýyl edip, neşekeş dek,
şu sebäpden begenýärsiň,
diri ýitseň, özüň assaň,
her gün haýdap işe gidip...