Gülkünç betbagtçylyk

Adam aýtdy:

"Geň we geňem däl. Asyrlap kösenen, Garaguma gaçyp aman galan azajyk milletň işçileri gije-gündiz işläp, nebit-gaz çykaryp, ölmez-ödi aýlyk alyp, ýüz millionlap ilaty bolan ýurtlaryň adamlarynyň öýlerini ýyladýar. Mesele ol gazy satýanda we puluny alýanda ýaly. Ýöne bu edil beýle hem däl. O pullar nirä gidýär diýseň, başyň ölümli, malyň talaňly. Eger seni öldürseler ýa öý-jaýyňy taşlap, iňçki eşikleriňi alyp ýurtdan gaçsaň, şol ölmez-ödi aýlyk alýan ýa aýlyk hem almaýan milletiň adamlary yzyňda heşelle kakýar. Käbiri gelip, seniň garry ene-ataňy utandyrjak, her hili gep tapyp, olaryň ýüregini agyrtjak bolup jan çekýär."