Bileniňi etmek meselesi

Adam aýtdy:

"Iwan Neumywakiniň pikiriçe, adamlar aslynda 280 ýyla çenli ýaşap bilmeli: 'Uzak ýaşamagyň syrlary iýýän-içýän zatlaryň, edýän pikirleriň we fiziki hereketiň bilen bagly. Gowulyga, haýyr işe ynan, sagdyn pikir, ýagşy niýet ömrüňi uzaldýar; gara pikirler, gorky-howatyr, açgözlük, bahyllyk, öýke, duşmançylyk, öz-özüňe nebsagryjylyk, ýakymsyz duýgular ömrüňi iýýär; dawa-jenjel edýän adamlar siziň energiýaňyza göz dikýär, olar size 'agyz salyp', az wagtlygam bolsa, özlerinde ýetmeýän güýji dikeldýärler, islendik ýagdaýda özüňize erk etmegi öwreniň, köp mesele öz-özünden çözüler. Beýik Magtymgulynyň 'Ýagşy tutatwergil niýetiň-päliň', 'Köňül içre ýagşy niýet ýagşydyr' diýen setirlerinden çen tutsaň, uzak ýaşamagyň syrlaryny biziň ata-babalarymyz hem bilipdirler. Ýöne gep diňe bilmekde däl, bileniňi etmegi öwrenmekde bolsa gerek."