Sütemiň başlanýan ýeri
Adam aýtdy:
"Türkiýede bir zähmet migranty günde 10-14 sagat işläp, yzyndakylara pul ýetişdirjek bolup, ýedi-sekiz ýyl jan çekip, ahyram 'pul ibere' çydaman, bizar bolup, özüni heläkläpdir. Bu habary eşidip, kelläme urlan ýaly boldum. Sebäbi ozallar adalatsyzlyk, zulum-sütem ýokardan, döwlet başyndakylardan, bolmanda okuw jaýlarynda kök uran parahorlukdan, hukuk goraýjy edaralaryň açgöz işgärlerinden başlanýarmyka diýýärdim. Görüp otursam ol her maşgaladaky mugthorlukdan, adamlaryň bir-birege ýüreksiz çemeleşmeginden başlanýan eken."