Görnüp duran hakykat

Adam aýtdy:

"Sowet döwründe kemala gelip, döreden adamlarymyzyň ömürlerine, yzynda galan eserlerine çala göz aýlasaň, hemme zat görnüp duran eken. Olaryň hiç biri hudaýa-da, kanun diýilýäne-de ynanmandyr, ynanan bolupdyr we häkimiýet başyndakylaryň ýarym hakykatyna gulluk edipdir. Sebäbi, eli ganly hökümetden başga, olar biri-birinden, öz kärdeşlerinden, hatda ýakyn dostlaryndan we garyndaşlaryndan hem goranmaly bolupdyr. Olary ýazgar, ýazgarma, hiç peýdasy ýok. Ýöne bolan zatlar bilinse gowy. Muňa diňe otuzynjy ýyllar yzyna gelensoň düşündim."