He-he-he...

Adam aýtdy:

"Gelip, aýyn bolmasa: 'He-he-he, näme iş bitirdiňiz?.. Alan galaňyz bolmadymy? He-he-he...' edýärler. Hamala, men ýa ýene birleri, iki-ýeke bolup, birden uly iş bitirmeli, olaryň dag ýaly meselelerini çözmeli ýaly. A olar soň ol işiň hözirini görmeli... Köpri gurlan bolsa, geçmeli, guýy gazlan bolsa, içmeli. Ýok, gardaşlar, beýle zat bolmaz. Gülüberiň, garaşyberiň. Siziň ene-ataňyzam gülüpdi, garaşypdy. Ine, ýigrimi-otuz ýyl soň siz ol gülkiniň hözirini görýärsiňiz, ýarym gedaý... Bolýan bolsa, ýaşaň. Her kimiň öz ömri, öz wagty, nämä harç etse, öz işi. Men, her näme-de bolsa, synanyşýaryn. Goý, uly netije bolmasyn, ýöne özüm özüme bolmanda synanyşdym diýip bilerin. He-he-he..."