Çilimden gowy bolmadyklar

Adam aýtdy:

"Arada bir çakylyga baramda, köne dostumyň ýokarda işleýän ogluna pete-pet geldim. Ol daş işikde çilim çekip duran eken. Salam-helikden soň gülüp: "Telewizorda depderçäňe bir zatlar ýazyp duranyňy kän görýän. Bu işi edýän diňe sen däl, elbetde. Duşsa, näme ýazýanyny soraýyn diýip ýördüm" diýdim. Ol gülüp: "Alla ýalbarýan, 'taňrym, şu gezegem gaýrat et, käýinçsiz, soňky duýduryşsyz, işden kowdurman, türmä basdyrman geçir, bäş wagt namazymy sypdyrmaýyn, il-güne rehimli bolaýyn' diýip ýazýan" diýdi. "Soň onsoň beren wadaňda tapylýarmyň?" "Tapylma nire, indiki mejlise çenli hiç zat ýadyma düşenok... Diňe men däl, hemmeler şeýle - diýip, ol ýarpy çeken çilimini ýere taşlap, ony aýagynyň astyna aldy. - Çekilip-çekilmän taşlanan çilimden gowy bolmadyk, walla..."