Kabul bolan dileg
Adam aýtdy:
"Töhmet bilen türmä düşen günümiň ertesi ejemiň ýeke dogany, jan ýaly daýzam öýümize gelip, aýalyma gynanjyny bildiripdir. Soňam, belki gürrüň tapyp bilşidir-dä, gaýtjak bolanda: "Ogullarym "türmä düşdi" adyny alanyndan, öýümde ýatyp ölsün diýýän" diýipdir. Onuň adamsy ýaş gelin wagtynda birini balkondan sallap, alty ýyl türme tussaglygyna höküm edilipdi. Iki ogly neşekeşdi, töwereklerinde ogurlyk-beýleki bolsa, polisiýa ilki meniň iki çykanymy ýygnap, urup-ýenjip sorag edýärdi. Bulary az gören bolarly, bende. Şondan soň beýleki diýeni hem boldy: sagat ogly öýünde ýatyp, ertesi düşekden turman öldi."