Bile batylan batga

Adam aýtdy:

"Öňki ýaşuly ministrlerine "özüňiz 5-3% peýda görmejek bolsaňyz, daşary ýurt firmasy bilen kontrakt baglaşmak nämä gerek?" diýer eken. Muny soň türmä basylan ministr dostum, eli giňäp, öýünde iň ýakyn dostlary üçin uludan-uly meýlis guraýan günleri begenip gürrüň beripdi. Soň eşidip otursak, ministrlerini ogurlyga itekleýän ýaşuly, ministr bellän gününiň ertesi, olaryň yzyna baş prokurory, kgb-äni hem salýan eken. Şeýdip, 1991-nji ýyldan bäri ýüzlerçe adam batga batdy. Ýurt batga batdy. Çykjaga-da meňzänok. Hemmämiz gara läbigiň içinde oturan ýaly, ýüzümizmi, ýüregimizmi, ýa ikisi-de çyr-çyrşak. Kim-kimler bilen, dünýäniň nirelerinden gelen adamlar bilen dil düwşüp, öz ýurdumyzy, öz halkymyzy taladyk. Emma bu batga hemmelere ýaraýan ýaly, ondan çykaly diýýän tasdan ýok ýa-da iki-ýeke. Özi batga boýy bilen batyp, soň gygyran bolýanlar welin bar, emma olara hiç kim ynanmaýar. Muňa derek, batga girjek bolýan, höwes edýän welin juda kän, ýyl-ýyldan köpelmese -azalmaýar. Bizde beýle agzybirligiň bolan wagty ýokdur. Kimi görseň, okaman diplom aljak, iş bilmän ýokaryk çykjak, para aljak, para berjek. Başga gep-gürrüňe ýer ýok, diňe bileje batylan batgada öňe we diňe öňe diýäýmek galýar."