Aýdylmaýan hakykat

Aýdylmaýan hakykaty,
aýdylmagy müşgül bolan,
hemme bilýär meniňçe,
siňe seretseň gözüne,
emma bilmedik bolýar,
düşünmedik bolýar adam,
howply bolsa düşünmek,
ýa eýermek düşünenňe,
sada däl adamlar beýle,
görnüşi dek kesesinden,
sadasy bolsa-da çendan,
olar bilýär hakykaty,
ýüz prosent bolmasa-da,
saklansa-da ýedi gapyň,
ýedi gulpuň arkasynda,
hemem düşünýärler oýna,
düşünýärler düzgüne,
bilmedik bolýarlar bilmesizleri,
iýilse-de haky käte,
bütin ömri kem-kemden,
ömri yzdan gelýänleriň,
hatda bilinse-de kimiň iýýäni,
kim günäkär ölýänlere,
adam ýaly ýaşaman,
aýdylmaýan hakykaty
bilýär uly-kiçi diýmän,
ýok, sada däl olar beýle,
çynçy däl bilemok diýýän.