Netije
"Your silence will not protect you", Audre Lorde
Eger seni ümsümligiň gorasa,
alyp galsa aman-esen dymmagyň,
sesini çykaran çydap bilmän hiç,
ýa-da çala gürlän urulýan wagty,
begenme ir, içden heşelle kakma,
diýmedimmi diýme öňüňden çyksa,
ýa gynanan bolma kiçi diliňden,
ýeňsesinden gybat etme gürläniň,
ýatdy diýip dilden bagty,
sebäp uzak garaşdyrmaz netije,
hemem dymýan köp boldukça
agyr bolar geljek gije,
gara günler il başyna,
ýitip-ýitmän nähak taýagyň yzy,
ýa mazary solup-solman gürläniň,
demir iýer gürlemedik gürrüňsiz,
ýa olaryň ogul-gyzy.