Taýagyň beýleki ujy

Adam aýtdy:

"Prezident, wise-premýer, ministr, howpsuzlyk ofiseri, sud-prokuror, žurnalist bolan bolup töhmet atýarkalar, türmä basýarkalar, soň eneň-ataňy agladyp, ýurtdan gaçmaga mejbur bolýarkaň, ýat illerde her agşam başyňy ýassyga goýanyňda we irden gözüňi açanyňda, özüňe kast edip, ýurt çapan, il talan adamlary gahar ýa kine bilen ýatlaman bilmeýärsiň. Soň seredip otursaň, olar diňe saňa däl, özlerine-de, öz çagalaryna-da rehimsiz eken. Sebäbi olar saňa kast edenlerinde özlerine hem näletli we ejirli ölüm, türme, sürgünlik... taýýarlaýan ekenler. Megerem taýagyň iki ujy bar diýýänleri şudur. Muňa soň düşünýärsiň. Emma munuň bilen ne köýen ýyllar, ne-de ýitiren adamlaryň yzyna gelýär."