Ösüş

Adam aýtdy:

"Agamyň ýekeje gyzy bar, ogullaryndan gowy görýärdi, pahyr. Obadaş, ykdysatçy oglana durmuşa çykardy. Emma bir ýyldan soň giýewisini işinden kowdular. Gyzy her gün kakasynyň ýanyna gelip aglady: ’Işsizligi owarram, özüm el işim bilen eklemäge taýýar, ýöne ýas gözleýän mollalara goşulyp, molla boldy, şoňa gynanýan" diýdi. Agam gyzyna göwünlik berip: ’Şükür et, gyzym, geroinçi bolmandyr. Bular indi ýa molla, ýa geroinçi bolýar-a, gaýrat et, bu-da geçer?!’ diýýärdi. Emma bu geçmedi. Agam ýogaldy, giýewisi mollaçylykdan ösüp, hem neşekeş, hem arakhor, hem kgbniň şugulçysy boldy."