Beýikligiň şerti

Adam aýtdy:

"Ol kakasyny öwýär, oňa ussat, beýik hudožnik diýilmegini isleýär. Dogry, çaga, onda-da gyz çaga üçin ene-atadan eziz zat ýok. Kakasyny ýagşylykda ýatlaýan çaga garşylygym ýok, belki, bu perzendiň iň uly borjudyr. Magtymguly aýtmyşlaýyn, adamyň ýamanyny örtüp, ýagşysyny ýaýyp bilseň, oňa ýetesi näme bar? Ýöne başga-da bir ajy hakykat bar: hakyky ussat ýa beýik hudožnik islendik režimde sylagly... bolup bilmeýär. Ol kakasyna berlen at-derejeleri sanap, onuň döşüne orden dakylýan pursaty görkezýän wideofilm taýýarlapdyr. Emma, näme üçindir, ol ordeni dakýan adamyň eli görünýär-de, ýüzi görünmeýär. Has anygy, orden berýäniň elinden başga ýerini kesipdirler. Ýogsa orden dakýanam, döşüne orden dakylýanam merhum... Belki-de ol onuň (orden berýäniň) beýikliginiň ýa pesliginiň kakasynyň beýikligine kölege salaryndan ätiýaç edendir, bilmedim..."