Soňy görülmedik öňdengörüjilik

Olar syýasatdan gaça durdylar; syýasat bilen meşgullanyp türmä, dälihana düşýänlere, ýurdundan aýrylýanlara käte içden, käte daşdan ’ederini bilmez’, ’ýoldan azaşan’ hökmünde baş ýaýkadylar, oturan-turan ýerlerinde, ogul-gyzlaryna, ýegenlerine syýasatdan daş durmagy nesihat etdiler. Emma syýasat syýasat bilen meşgullanmaýanlary sylap ýa aýap durmaýar. Onsoň olar gorkularyna, gara başlaryny, ogul-gyzlaryny goramak umydy bilen diniň çukurynda gizlendiler. Emma syýasat olaryň metjitlerine 25 ýyllyk türmelerini alyp bardy. Olar indi syýasat bilen meşgullananlaryň özleri - syýasat bilen meşgullanmadyklar bilen meşgullanmagyna, kömek, ýardam ederine, bolmanda bir goldaw sözüni aýdaryna garaşýarlar.