Leniniň işi

Durmuşyň manysy nobat dek uzyn,
hudaý uran ýa-da bolşewik uran,
ne ýeri bar özüniňki, adamlar,
ne suwy bar özüniňki, adamlar,
ne özi bar özüniňki, adamlar,
işlemeli işle diýse hökümet,
ýa-da işlän bolup, gülmeli ýalan,
tölän bolsa, aýlygyňy almaly,
gelmeli, durmaly nobata soňra,
çörek alyp, ýygnanmaly öýüňe,
wagtyň bolar biraz gybata soňra,
soň ýatmaly, irden gitmeli işe,
görünjek bolmaly başlyga, belki,
bagtyň çüwse, medal dakynyp döşe,
ýygnaklarda gürledilýän bolarsyň,
ýa ölmeseň, ak sakgally, çäreçi,
Hydyryň däl, işi ýaşaýar hyrsyň.