Bagtsyzyň bagty

Sen adamy diňlemeli,
onuň gelýär bildiresi,
bilet aldy, uçjak basym,
bu ülkeden o bir ülkä,
aşyp geçip birlerinden,
bu bir ýurtda uruş, gowga,
beýlekide uçarlary
saklapdyrlar, ýolagçylar
ikarada bolýar heläk,
gynanjyny edýär beýan,
görýär diýýär köpler zyýan,
syýahatçy, dynç aljaklar,
ýaşajaklar, pullary bar,
şükür, bilýär etjek işin,
bular oňa mesele däl,
üýtgedipdir biletlerin,
öz wagtynda, gijä galman,
gürrüň berýär basym baryp
iýjek naharlary hakda,
şeraplary hakda içjek,
sen adamy diňlemeli,
'hä' bermeli ýalan, hakdan
ötünç sorap ýylgyrmaly,
öz göwnüňe degip biraz,
derdin egsip dertsiz hassaň,
paýlaşmaly bagtyn onuň
gizläp içde çekýän gussaň...