Öwrenmeli zadyň

Diýdiler sen öwrenmeli, bilmeli,
hemme zada wagtyň bolmaz, elbetde,
ýöne öwren öwrenmeli esasy,
iň esasy närseleri, gazetde,
žurnallarda ýazmasa-da adamlar,
kime, nämä üns bermeli durmuşda,
ýa başyňy galdyrmazdan geçmeli,
her gygyran hakykaty sözlemez,
tanajak bol, kimi görseň gaçmaly,
ýa kim bilen käte köfe içmeli,
kimler, näme degmez gulak germäge,
ownuk-uşak galmagala seretme,
bil goýmaly, galdyrmaly ýerlerin
gerekmejek gürrüňleri, sebäbi
käbir gepi ýapyp bolmaz gep bilen,
kän eglenmek gymmat düşer, gitmeli,
daşlaşmaly dost-ýarlaryň bil gowy,
syla özüň, öz wagtyňy, saglygyň
gorajak bol, berme ýele, ýagmyra,
kän dünýede göz aýlaman, sözüň däl,
hatda harpyň zaýalaman ötmeli,
unutmaly zatlar çenden, çakyňdan,
diýmesinler çylkasyzlar aslyşyp,
nätdim ahyr, çykdym gerek hakyňdan...