Seniň ýoluň

Budda diýýär bu ýol seňki,
diňe seňki, sen geçmeli,
tekiz ýa-da çarkandakly,
beýlekiler ondan gelip,
mundan gelip islän wagty
ýanaşyk ýa öňden, yzdan
ýöräp biler seniň bilen,
käsi gowy, käsi erbet,
ýöne hiç kim saňa derek
geçmez seniň gecjek ýoluň,
menziliňi alyp bermez,
döwüm nanyn bölüşse-de,
suw berse-de käsi dözmän,
sen almaly ýoly diňe,
ýalňyşlaryň bilen bile,
ýadawlygyň bilen bile,
agyrtmasyz adamlary,
ýa özüňi agyrdyp kän,
nähak ýerden, düşünip däl,
iýip özüň artyk, uzak,
başgalara diýip käte,
öz-özüňe gurup duzak,
ýa galmaly ýolda hassa,
ýa gitmeli ýuwaş, assa,
gynanma hiç azabyňa,
näçe gitseň deriň döküp,
syl maňlaýyň, gözleriňi,
ýüregiňi gora, aýa,
minnetdar bol ekenlere,
agaç görseň, bolýan saýa.