Milli çukur

Bu gaçylan çukur, ýalan,
bir adamyň gazany däl,
gazjak bolup ölen, belki,
gazany däl ýüz adamyň,
ýiten ýary türmelerde,
pilin goýman gije-gündiz,
bu gaçylan çukur uly,
çuňlaşýar ol ýyldan-ýyla,
bir adamyň, bir maşgalaň
işi däl bu, iliň işi,
boýun alsa ak ýürekden,
dyman wagtyn dymmasyza,
goldanyny göre-bile
goldamasyz adamlary,
aýdyp bilmän aýtjak sözün,
aýdyp diňe isleýänin
ogrularyň kanunlaşan,
ters görelde çagasyna,
yzdan gelýän, bu çukury
gazan diňe bir adam däl,
ýüz adam däl, il işi bu,
aksa akym ugruna ol,
durman garşy, sil işi bu...